Қазақстан әйелдер құрамасысу добынан Азия чемпионатында екінші жеңісіне қол жеткізді
Чжаоцинде су добынан Азия чемпионаты жалғасуда. Қазақстан әйелдер құрамасы турнирдегі екінші жеңісіне қол жеткізді, деп хабарлайды Sport+ Olympic.kz сайтына сілтеме жасай отырып.
Екінші ойында қазақстандық су добы шеберлері Гонконг құрамасын сенімді түрде жеңді. Кездесу 25:6 есебімен аяқталды.
Айта кетейік, алғашқы матчта да отандастарымыз Сингапурды ірі есеппен ұтқан болатын.
Жалпы, Азия чемпионатына алты команда қатысып, айналмалы жүйе бойынша өзара ойын өткізуде.
