Мен 10 мың еуро төлеуге дайынмын: NAIZA лигасының қазақстандық файтері француз лигасына бәстесуді ұсынды

NAIZA лигасының қазақстандық файтері Ильяс Алгереев әлеуметтік желілерде жазба жариялап, француздың AEC лигасының басшылығына бәстесу ұсынды.

«Мен Қазақстандағы ең болашағы зор файтерлердің бірімін. Мені жай ғана Нохчо деп атай беруге болады. Мен сіздерге бір ұсыныс жасағым келеді: мен сіздердің лигаларыңызда жекпе-жекке шығамын, егер маған қарсы қойған қарсыласым толық 3 раундқа шыдап берсе, мен 10 000 еуро төлеуге дайынмын. Ал егер мен қарсыласымды мерзімінен бұрын жеңсем, сіздер менімен жақсы шарттармен келісімшарт жасайсыздар. Қалай, тәуекел етуге дайынсыздар ма?» — деп жазды ол.

Ильяс қазір NAIZA лигасында 3–0 сериясымен келе жатыр. Оның барлық үш жеңісі де мерзімінен бұрын тіркелген.