Дастан Сатпаев гол соқты, бірақ «Қайрат» жеңілді

«Қайрат» футбол клубы УЕФА Чемпиондар лигасының жалпы кезеңінің бесінші турында Данияда өткен ойында «Копенгагенге» жол берді, деп хабарлайды Sport+.

Алматылық ұжым сапында Дастан Сатпаев пен Олжас Байбек голдармен көзге түсті, бірақ жас ойыншылардың нәтижелі соққылары ұпай алуға мүмкіндік бермеді.  

Алматылық клуб жалпы кезеңдегі сырт алаңдағы нәтижелі сериясын жалғастыруда — команда әрбір сырт алаңдағы ойында гол соғып келеді. Сатпаев осы кезеңде гол соққан алғашқы қазақстандық атанды. Алайда Дастан матчта алған кезекті сары қағазына байланысты келесі ойынға қатыса алмайды.

Копенгаген — Қайрат 3:2
26' Виктор Дадасон (1:0)
59' Джордан Ларссон, пенальти (2:0)
73' Роберт (3:0)
81' Дастан Сатпаев (3:1)
90' Олжас Байбек (3:2)

«Қайраттың» жалпы кезеңде әлі үш матчы бар. Оның екеуі Астанада өтеді:

9 желтоқсан — «Қайрат» vs «Олимпиакос»
20 қаңтар — «Қайрат» vs «Брюгге»
29 қаңтар — «Қайрат» vs «Арсенал»