Дастан Сатпаев Чемпиондар лигасының тарихына енуі мүмкін

Қазақстан құрамасы мен «Қайрат» клубының шабуылшысы Дастан Сатпаев Чемпиондар лигасында гол соққан ең жас футболшылардың үздік үштігіне енуі мүмкін, деп хабарлайды Sport+.

Егер Сатпаев Чемпиондар лигасының топтық кезеңінің бесінші турындағы «Копенгагенге» қарсы сырт алаңдағы матчта гол соқса, Еуропаның басты клубтық турнирі тарихындағы ең жас сұрмергендердің алғашқы үштігіне кіреді. Қазір оның жасы — 17 жас 110 күн.

Чемпиондар лигасының рекорды Ансу Фатиға тиесілі: ол 2019 жылы «Интер» қақпасына 17 жас 40 күнінде гол соққан. Екінші орында — «Барселона» жұлдызы Ламин Ямал (17 жас, 68 күн — 2024 жылы «Монакоға» соққан голы). Үшінші орын «Антверпен» шабуылшысы Джордж Иленихенаға тиесілі: ол «Барселона» қақпасына 17 жас 119 күнінде гол соққан.

Айта кетейік, Чемпиондар лигасының топтық кезеңінің бесінші турында «Копенгаген» — «Қайрат» матчы бүгін Копенгагендегі «Паркен» стадионында өтеді.