«Шахтер» футбол клубы ресми түрде жекешелендірілді
Қарағандылық «Шахтер» футбол клубын қазақстандық кәсіпкер Тимур Турловқа тиесілі Freedom Holding Corp. тобына кіретін компания сатып алды, деп хабарлайды Sport+.
Сатылым өткен аукцион барысында жүзеге асып, массовый спортты дамыту және футболды коммерциаландыру жөніндегі Мемлекет басшысының тапсырмасының бір бөлігіне айналды. Жекешелендіру заңнамаға қатаң сәйкес жүргізілуде.
«Шахтёр» футбол клубын жаңғырту мен нығайтудың жаңа кезеңі басталды. Қарағанды облысының әкімдігі кәсіпкер Тимур Турловпен бірлесіп өңірде жаңа футбол экожүйесін қалыптастыруды бастап кетті. Жалпы алғанда бұл мақсаттарға 18,5 млрд теңге бағытталмақ: оның 12 млрд теңгесі футбол академиясын салуға, 6,5 млрд теңгесі өңірдегі балалар-жасөспірімдер және бұқаралық футболды дамытуға жұмсалады.
Қарағанды облыстық футбол қауымдастығы (QOFA) президентінің қолдауымен Тимур Турлов бірнеше ірі бағытты қатар жүзеге асыруда: мектеп жобасы ALGA! (2029 жылға дейін 40 мыңнан астам оқушы мен 3600 студентті қамтиды, футбол бастамалары өңірдегі 100-ден аса білім беру мекемесінде енгізіледі), ресми балалар-жасөспірімдер лигасы Freedom BFL, «Шахтёр» заманауи футбол академиясының құрылысы және өңірді дамытудың кешенді стратегиясы. Бұл академия бұқаралық және кәсіби футболды дамытудың орталық нүктесіне айналуы тиіс, ал оның өзегінде — балалар-жасөспірімдер футболы, инфрақұрылымдық жобалар және әлеуметтік бастамалар тұр.
Футбол академиясы шамамен 10 гектар аумақта орналасады. Жоба құрамына стадионнан бөлек жыл бойы жаттығуға арналған жабық манеж, толық өлшемді жаттығу алаңы, екі қабатты әкімшілік-тұрмыстық кешен, медициналық орталық, бассейн, сауна, асхана және тәрбиеленушілерге арналған жатақхана кіреді. Барлық нысандар жылы өткелдермен байланыстырылып, іргелес аумақта воркаут аймағы, тренажёрлар, саябақ және автотұрақ орналастырылады. Құрылыс-монтаж жұмыстарының негізгі кезеңін 2027 жылға аяқтау жоспарланған.
Кадр даярлауға да ерекше көңіл бөлінуде: жаттықтырушылар үшін біліктілікті арттыру бағдарламалары, халықаралық тағылымдамалар және UEFA лицензияларын алу мүмкіндігі қарастырылған.
Спорттық инфрақұрылым тек қалаларда ғана емес, ауылдарда да дамытылатын болады.
