Біржан Оразов ұлттық құрама сапында мерейтойлы матчын өткізді

Еуропа чемпионатының іріктеу кезеңі аясындағы Албаниямен ойын (2:0) Біржан Оразов үшін Ұлттық құрама сапындағы мерейтойлы 65-ші ойын ретінде тіркелді, деп хабарлайды Sport+.

Аякөз футзал мектебінің шәкірті Оразов құрама сапында 2017 жылдың 6 ақпанында Алматыда алғаш рет шыққан. Бұл Беларусь (0:1) командасына қарсы жолдастың кездесу еді.

Біржан Оразов өз мансабында құрама сапында 30 гол соғып үлгерген. 

Біржан Оразов — 2018 және 2022 жылғы Еуропа чемпионаттарының қатысушысы, студенттер арасындағы әлем чемпионатының күміс жүлдегері, 2021 әлем чемпионатының жартылай финалисті, 2022 Еуропа чемпионатының үздік бомбардирі.