«Жеңіс» испан шабуылшысымен келісімшартқа қол қойғанын жариялады

32 жастағы испан шабуылшысы Мигель Анхель Хунко Мартинес «Жеңіс» футбол клубының сапын толықтырды, деп хабарлайды Sport+ елордалық клубқа сілтеме жасап.

Мика — Испанияның «Райо Кантабрия» клубының түлегі. Ол Испанияның «Альмудевар», «Сариньена», «Туделано», «Марино Луано», «Херес Депортиво» және «Химнастика Сеговиана» клубтарында ойнаған. Сондай-ақ футболшы Камбоджаның «Свайриенг», Малайзияның «Негри-Сембилан» және Финляндияның «КТП» клубтарында өнер көрсетті. Финляндиялық «КТП» командасымен бірге елдің Жоғарғы дивизионына жолдама алып, 2022 жылғы маусымда үздік сұрмерген әрі үздік ойыншы атанды.