Мұратбек Қасымбай: Серікұлы тіпті Шавкаттың өзіне қиындық тудыруы мүмкін

Қазақстандық ММА шебері Мұратбек Қасымбай Семейде өтетін NAIZA турнирінің басты оқиғасына айналатын Тимур Серікұлының чемпиондық жекпе-жегі туралы пікірін бөлісті.

— Тима басқа деңгейде жүрген сияқты, бірақ оны әлі ешкім білмейді. Тіпті Шавкатпен жекпе-жек өткізсе де, жеңілмесе де, оған қиындық тудыра алады. Ол мені де соққыда да, күресте де басып озады. Бірде ұрады, бірде күреседі, қарсыласын шатастырады. Меніңше, бұл белдік Тимурдың белінде болуы керек, — деді Қасымбай.

Қазақстандық файтер Тимур Серікұлы Тамерлан Саралаповпен жекпе-жек өткізеді. 28 маусымда өтетін турнирді Sport+ арнасынан тікелей эфирде көруге болады.