Егембердиевтің жекпе-жегі Sport+ телеарнасынан тікелей эфирде көрсетіледі

Sport+ телеарнасы 10 мамыр күні Санкт-Петербургте өтетін АСА 186 турнирін тікелей эфирде көрсетеді. Турнирдің басты жекпе-жегінде Кирилл Корнилов пен Адам Богатырев кездеседі.

Басты кардта Қазақстан атынан Евгений Егембердиев те өнер көрсетеді. Ол денсаулығына байланысты үзілістен кейін ММА-ға қайта оралып, бір жеңіске жетіп үлгерді. Бұл жолы оның қарсыласы — UFC-дің бұрынғы жекпе-жекшісі Максим Гришин болады.

Сондай-ақ кардта қазақстандық жанкүйерлерге жақсы таныс тағы екі спортшы — NAIZA лигасының бұрынғы чемпионы Руслан Шамилов пен осы лиганың бұрынғы титул үміткері Каныбек Жаныбеков, сондай-ақ UFC-дегі Шавкат Рахмоновтың алғашқы қарсыластарының бірі, бразилиялық Празереш өнер көрсетеді.

Турнир 10 мамырда өтеді. Басталуы — сағат 18:00-де. Толық кешті Sport+ телеарнасы тікелей эфирде көрсетеді.