Эдуард Базров: Қазбектің жарақаттан кейін өз мүмкіндігінің бәрін көрсетуге деген мотивациясы өте жоғары
Dar Team командасының бапкері Эдуард Базров Sport+ арнасына берген арнайы сұхбатында өзінің шәкірті Қазбек Сағынның октагонға қайта оралуы туралы пікір білдірді.
Қазбек Алматыда өтетін NAIZA 82 турнирінде өнер көрсетеді, оның қарсыласы қытайлық Веньюнь Чжоу болады.
«Дайындық нақты, амбициялар жоғары деңгейде. Соңғы жекпе-жекте Қазбек жарақат алған болатын, сондықтан қазір оның өз мүмкіндігінің бәрін көрсетуге деген мотивациясы өте күшті. Көрермендерге ұнайтын өте жарқын жекпе-жек болады деп сенемін. Қазбек 100 пайыз дайын, сондықтан алға жылжып, шоу көрсетуге тырысамыз», — деп NAIZA экс-чемпионының оралуын Базров бағалады.
Турнир 23 мамыр күні өтеді. Турнирдің толық трансляциясын тікелей эфирде Sport+ телеарнасы көрсетеді.
