«Барыс» сырт алаңда «Сочиді» жеңді

«Барыс» хоккей клубы сырт алаңдағы екі ойында екі жеңіспен оралды. Ярославльдегі сенімді жеңістен кейін Михаил Кравецтің шәкірттері «Сочидің» қарсылығына тап болды, деп хабарлайды Sport+.

Ойынның есебі — 2:1. Сочиліктер алғаш болып 1:0 есебімен алға шыққанымен, Кирилл Панюковтың голының арқасында астаналықтар есепті теңестірді, ал овертаймда Тайс Томпсон қазақстандықтарға 2 ұпай сыйлады.

Келесі матчты «Барыс» 21 қараша күні өз алаңында «Салават Юлаевқа» қарсы өткізеді.