«Жеңіс» футбол клубы «Милан» түлегін сапына қосты

Елордалық «Жеңіс» клубы 33 жастағы жартылай қорғаушы Александр Меркельмен келісімшартқа қол қойғанын хабарлады, деп жазады Sport+ клубтың баспасөз қызметіне сілтеме жасап.

Өз мансабында Александр Меркель Италияның «Милан» (2010/2011 маусымының Италия чемпионы), «Дженоа» және «Удинезе» клубтарында, Англияның «Уотфорд», Швейцарияның «Грассхопперс» командаларында, сондай-ақ Германия, Сауд Арабиясы, Түркия, Нидерланд пен Аустрия клубтарында өнер көрсеткен. Жартылай қорғаушының соңғы клубы Дубайдың «Легентус» командасы болды.

Футболшының Қазақстан ұлттық құрамасы сапында 3 матч өткізгені бар.