4 жылдан кейінгі реванш: Дазаев – Бикрев жекпе-жегінің тікелей эфирі
Fight Night турнирінің басты жекпе-жегінде, 21 ақпанда Сочиде, қазақстандық Гойти Дазаев пен Дмитрий Бикрев кездеседі. Бұл жекпе-жекте жартылай орта салмақтағы лига чемпионы атағы сарапқа салынады.
Бұл спортшылардың алғашқы кездесуі 2021 жылы өтті. Сол кезде Гойти бірінші раундта қолын сындырып, чемпионға толыққанды қарсылық көрсете алмай, техникалық нокаутпен жеңіліп қалған еді.
Төрт жыл бойы Дазаев чемпионды реваншқа шақырып, Олег Косинов пен Максим Буторин сынды мықты ресейлік қарсыластарды жеңіп, өз мүмкіндігін ақыры иеленді. Алайда 2023 жылдың маусымына жоспарланған жекпе-жек кейінге шегерілді.
Нәтижесінде, тағы екі жыл күтуге тура келді, және ақыры 2025 жылдың ақпанында реванш өтетін болады.
Ко-мейн ивентте лиганың экс-чемпионы, Артем Резниковтың досы әрі спарринг-серіктесі Александр «Тигр» Сарнавский жеңіс жолына қайта оралуды мақсат етеді. Оның қарсыласы — UFC-дің бұрынғы файтері Адриано Мартинс, яғни бастапқыда Дамир Исмағұловпен жекпе-жекке шығуы тиіс болған спортшы.
Ивенттің басталуы — 18:30. Турнирді тікелей эфирде Sport+ телеарнасынан (негізгі кард) және sportplustv.kz сайтынан тамашалауға болады.
