Қырғызстан Көшпенділер ойындарындағы көкпар финалының нәтижесіне наразылық білдірді
Қырғызстан құрамасы Астанада өткен Дүниежүзілік көшпенділер ойындарының көкпар финалының нәтижесіне наразылық білдірді, деп хабарлайды Sport Plus Qazaqstan.
Қырғызстан финалда Қазақстанға қарсы 3:1 есебімен алда тұрған, бірақ негізгі уақыт 4:4 есебімен тең аяқталды. Қосымша уақытта жеңісті қазақстандықтар жұлып алды. Ал бірінші кезеңде ойын 30 минутқа спортшылар арасындағы төбелеске байланысты тоқтатылды. Қазақстандық көкпаршы Байтөреев қарсыласын екі рет қамшымен ұрғаны үшін екі минутқа алаңнан шеттетілді.
«Ережеге сәйкес, біз матч аяқталғаннан кейін 20 минут ішінде наразылық жазуымыз керек еді. Біз жаздық. Акылбек есімді төрешіні алып тастады. Ал содан кейін не болды?» — деді Қырғызстанның көк бөрү федерациясының сарапшысы Рамис Құдайбергенов.
Қырғызстан құрамасының жаттықтырушылары мен спортшылары финалда өздеріне әділетсіздік жасалғанын айтты. Нәтижесінде көкпар финалының нәтижесі өзгеріссіз қалды. Екі сағаттан кейін Қырғызстан көк бөрү бойынша финалда жеңіске жетті, онда қарсыласы тағы да Қазақстан болды.
