Қуат Хамитовтың АСА ұйымындағы жекпе-жегінің тағдыры белгілі болды

ACA лигасы Дубайда өтетін ACA 194 турнирінің басты жекпе-жектерін жариялады, деп хабарлайды Sport+.

Лиганың президенті Магомед Бибулатовтың айтуынша, турнирдің басты жекпе-жегінде АҚШ өкілі Тони Джонсон мен Иран спортшысы Амир Алиакбари күш сынасады. Ал ко-мейн ивент ретінде ресейлік Али Багов пен бразилиялық Дави Рамос арасында тартысты кездесу өтеді.

Сонымен қатар, лига қазақстандық Қуат Хамитов пен ресейлік Анатолий Бойконың жекпе-жегін ресми түрде жариялады. Бұл кездесу бастапқыда Қазақстанда өтуі тиіс болған, алайда Хамитовтың жарақатына байланысты кейінге шегерілген еді.