Қарағанды командасы Суперлиганың жеңімпазы атанды

Қарағанды қаласындағы «Saryarka» үстел теннисі орталығында жүлде қоры 10 млн теңгені құрайтын Қазақстанның ашық командалық чемпионаты (Суперлига) аяқталды.

2025 жылғы маусымның төрт турының қорытындысы бойынша турнир кестесі төмендегідей қалыптасты:

1 — «Қарағанды-1»
2 — УГМК (Свердлов облысы, Ресей)
3 — «Altay Pro» (Өскемен)

Суперлиганың үздік жаттықтырушысы болып Алексей Хорьков («Қарағанды-1»), ал үздік ойыншы аталымын Алексей Жуков («Altay Pro») иеленді.

Ел чемпионатының жабылу салтанатты рәсімінде Қарағанды облысының әкімі Ермағанбет Бөлекпаев «Қарағанды-1» командасының теннисшілеріне медальдар, ақшалай сертификат және чемпиондар кубогын табыстады.