Кіші Ыстамбұл дербиі тікелей эфирде: «Эюпспор» — «Бешікташ»

«Бешікташ» соңғы уақытта жақсы формаға еніп, еурокубоктарға барын салып ұмтылып келеді. Клуб барлық турнирлерде қатарынан тоғыз матч бойы жеңіліс көрмей келеді.

Осы сәтті серияның арқасында команда турнирлік кестеде бесінші орынға көтерілді. Ал маусымды «қара-ақтар» өте сәтсіз бастаған еді, бұл бас бапкер Оле-Гуннар Сульшердің қызметтен кетуіне алып келді.

Енді «Бешікташты» алда «Эюпспормен» өтетін кіші Ыстамбұл дербиі күтіп тұр. «Эюпспор» сәтсіз ойындар сериясынан кейін турнирлік кестеде соңғыдан бір саты жоғары орынға сырғыды.

19-тур аясындағы бұл кездесуді Sport+ телеарнасынан тікелей эфирде, сондай-ақ sportplustv.kz сайтынан көруге болады.

Ойынның басталуы — 22:00.