Алғашқы сынақ: Ялчын бастаған «Бешікташ» – «Башакшехирге» қарсы

Уле-Гуннар Сульшер жұмыстан босатылғаннан кейін «Бешікташты» жергілікті маман Серген Ялчын басқарды. 52 жастағы бапкер клубпен 2026/27 маусымының соңына дейін келісімшартқа қол қойды.

Бұл тағайындау норвегиялық Уле-Гуннар Сульшердің қызметінен кеткенінен бірнеше күн өткен соң жүзеге асты. Оның жетекшілігімен ыстамбұлдықтар Конференциялар лигасының плей-офф кезеңінде сәтсіздікке ұшырап, швейцариялық «Лозаннаға» (1:1, 0:1) жол берген еді.

Ялчын үшін бұл — «Бешікташтағы» екінші кезеңі. 2020/21 маусымында ол «қара бүркіттерді» «алтын дубльге» жеткізіп, Түркия чемпионаты мен Кубогын жеңіп алған болатын. Оның соңғы бапкерлік қызметі «Антальяспор» клубында болған.

Қайта оралғаннан кейінгі алғашқы матч Ялчын үшін Эльдор Шомуродов пен Аббос Файзуллаев ойнайтын «Башакшехирге» қарсы кездесу болады.

Түркия Суперлигасындағы бұл матч сағат 22:00–де басталады. «Бешікташ» — «Башакшехир» ойынының тікелей трансляциясы sportplustv.kz сайтында қолжетімді болады.