Александр Бублик Германиядағы турнирдің финалына өтті

Қазақстандық теннисші Александр Бублик Германияның Галле қаласында өтіп жатқан ATP 500 сериясындағы ірі турнирдің бас жүлдесі үшін бақ сынайды, деп хабарлайды Sport+ Olympic.kz сайтына сілтеме жасай отырып.

Жартылай финалда Бублик ресейлік Карен Хачановтан басым түсті. Бірінші сетте қазақстандық теннисші жеңіліп қалды. Алайда кейін ойынның бағытын өзгертіп, жеңіске жетті. Қорытынды есеп: 4:6, 7:6, 6:4.

Финалда ол ресейлік Даниил Медведевпен кездеседі. Медведев жартылай финалда германиялық Александр Зверевті жарыс жолынан шығарған болатын. Финалдық матч 22 маусымда өтеді.