Қазақстан пара-каратэ бойынша тарихи медаль жеңіп алды

Мысыр астанасы Каирде пара-каратэ (WKF) бойынша әлем чемпионаты өтті, деп хабарлайды Sport+.

Биыл Қазақстан құрамасы 1 қола медаль жеңіп алды. К10 санатында (көрмейтін/нашар көретін спортшылар) ката бағдарламасы бойынша өнер көрсеткен Ляззат Жүсіпова үздік үштікке енді. Оның жаттықтырушысы — Мейрамгүл Дүкуева.

Айта кетейік, бұл — Қазақстан пара-каратэ құрамасының тарихындағы алғашқы медаль.

Каирде өткен жарысқа Қазақстан командасы атынан барлығы 3 спортшы қатысты:

Назгүл Ізмағамбетова (K30, тірек-қимыл аппараты зақымданған спортшылар)
Дидар Мұхамеджанов (K30, тірек-қимыл аппараты зақымданған спортшылар)
Ляззат Жүсіпова (K10, көрмейтін/нашар көретін спортшылар)