Александр Бублик әлемдік рейтинг үздігін жеңді

Александр Бублик Германияның Галле қаласындағы ATP 500 турнирінің ширек финалына өтті.

Беделді бәсекенің екінші айналымында ол әлемдік рейтингте көш бастап тұрған итальяндық Янник Синнерден басым түсті, есеп 3:6, 6:3, 6:4.

Осылайша Бублик жақында ғана «Ролан Гаррос» ширек финалындағы жеңіліс үшін есесін қайтарды.

Бублик өз мансабында Синнерді екінші рет жеңіп отыр. Ол 13-ші рет Топ-10 қатарындағы спортшылардан басым түскен. Оның ішінде осы маусымда: Андрей Рублёв (Мадрид), Алекс де Минор және Джек Дрейпер («Ролан Гаррос»).

Галледегі ширек финалда Бублик чех Томаш Махачпен күш байқасады.