Әйелдер арасындағы спорттық гимнастикадан Азия чемпионаты: Қазақстан құрамасының құрамы белгілі болды
Қытайдың Цзуньи қаласында өтетін әйелдер арасындағы спорттық гимнастикадан Азия чемпионатына қатысатын Қазақстан құрамасының құрамы жарияланды, деп хабарлайды Sport+ Olympic.kz сайтына сілтеме жасап.
Ересектер арасындағы жарыста Дарья Ясинская, Эвелина Ежова, Амели Нукушева, Амина Халимарден және Радмила Тарасова ел намысын қорғайды.
Ал құрлық біріншілігінде жасөспірімдер құрамасы сапында Ева Тациева, Илана Раздыкова, Ульяна Пухова, Екатерина Лебедь және Саида Қасымжанова өнер көрсетеді.
Азия чемпионаты 25-28 маусым аралығында өтеді.
