Жібек Құламбаева WTA 250 турнирінің жартылай финалына шықты
Қазақстандық теннисші Жібек Құламбаева Румынияның Яссы қаласында өтіп жатқан WTA 250 санатындағы турнирдің жартылай финалына шықты, деп хабарлайды Sport+ Қазақстан теннис федерациясына сілтеме жасап.
Жібек Армения өкілі Алина Чараевамен жұптасып, ширек финалда ресейлік Алевтина Ибрагимова мен испаниялық Хеорхина Гарсия Переске қарсы ойнады.
Кездесу екі сетке созылып, Құламбаева мен Чараева 6:2, 7:5 есебімен жеңіске жетті.
Теннисшілер кортта 1 сағат 17 минут өткізді. Осы уақыт ішінде Құламбаева мен оның жұбы бір эйс жасап, бірде-бір қос қателік жібермеді және 10 брейк-пойнттың алтауын сәтті пайдаланды.
Жартылай финалда қазақстандық-армениялық жұп жарыстың бірінші нөмірлі жұбы — бельгиялық Магали Кемпен мен ресейлік Александра Пановаға қарсы ойнайды.
