«Вест Хэм Юнайтед» «Бертон Альбионды» әрең жеңді (видео)
Англия кубогының 1/16 финалында «Вест Хэм Юнайтед» «Бертон Альбионды» 1:0 есебімен тізе бүктірді.
Негізгі уақытта командалар гол соға алмады, сондықтан матч тағдыры қосымша уақытта шешілді.
Кездесудегі жалғыз гол 95-минутта соғылды. Саммервилл мергендік танытып, лондондық клубты келесі кезеңге алып шықты.
Матчтың соңында «Вест Хэм Юнайтед» бір ойыншыға кем қалды — 102-минутта Поттс алаңнан қуылды. Алайда сандық басымдыққа ие болған «Бертон Альбион» есепті теңестіре алмады.
