Жапонияға ең жоғары жүлделер үшін барамыз: Теннис федерациясы Азия ойындарындағы қазақстандық теннисшілердің мүмкіндігі туралы айтты

Қазақстан теннис федерациясының вице-президенті Диас Досқараев Билли Джин Кинг кубогынан кейін Sport+ сайтына берген сұхбатында Айти мен Нагояда өтетін Азия ойындарындағы қазақстандық спортшылардың мүмкіндіктерін бағалады:

«Расында да, Азия ойындары биылғы жылдың басты додаларының бірі. Біз медаль жеңіп алу жөніндегі жақсы дәстүрімізді жалғастырамыз деп үміттенеміз. Алдыңғы Азия ойындарында үзіліс болды, дегенмен біздің жүлде, соның ішінде алтын медаль жеңіп алған тәжірибеміз бар. Әрине, команданы дайындап жатырмыз. Қазір қыздарымыз демалып алады, содан кейін Жапонияға аттанамыз. Қазақстан атынан Юлия Путинцева өнер көрсетеді, оған үлкен үміт артып отырмыз. Александр Шевченко да жарыста жақсы екпеге ие болады. Жұптық сында Анна Данилина мен Юлия Путинцева бар, сондай-ақ бүгін Анна мен Жібек Құламбаеваның жұбы да жақсы өнер көрсетті. Аралас жұпта да үмітіміз бар, онда Данилина мен Шевченконы бірге ойнатып көреміз. Сонымен қатар ұлттық құрама сапында жекелей сында бірде-бір матчта жеңілмеген Тимофей Скатов бар. Ол ел намысы үшін әрдайым барын салып ойнайды. Сондай-ақ Бейбіт Жұқаев пен Денис Евсеев те бар.

Жалпы алғанда, құрамымыз жақсы. Оны барынша теңгерімді етуге тырысамыз және ең жоғары жүлделерді жеңіп аламыз деп үміттенемін».

Азия ойындары аясындағы теннис турнирі 27 қыркүйекте басталады.

Beeline-нан тиімді бағадағы үй интернеті — бірде-бір турнирді жіберіп алмау үшін 24 сағат ішінде қосылады.