Станислав Черчесов: Зайнутдиновтың трансферлік терезені қалай пайдаланатынын білмеймін

Қазақстан ұлттық құрамасының бас бапкері Станислав Черчесов жартылай қорғаушысы Бахтиер Зайнутдиновтың РПЛ-ге қайта оралу мүмкіндігі туралы пікір білдірді, деп хабарлайды Sport+.

Бұған дейін «Бешікташта» өнер көрсетіп жүрген 26 жастағы футболшы «СЭ» басылымына жазғы трансферлік терезе кезінде Ресей чемпионатындағы бір клубқа қайта оралу мүмкіндігі болғанын айтқан еді.

«Мен ойыншыға кеңес бере алмаймын. Егер Бахтиерден болашақ мансабы туралы сұрақ туындаса, біз барлық артықшылықтар мен кемшіліктерді бірге қарастырамыз. Ұлттық құраманың кез келген бапкері өз ойыншысының клубта көбірек тәжірибе жинағанын қалайды. Бірақ қазіргі таңда оның «Бешікташтағы» жағдайы осындай. Біз оған көмектесуге тырысамыз, ұлттық құрамада болған кезде көп сөйлесеміз. Зайнутдинов трансферлік терезені қалай пайдаланатынын білмеймін, оның үстіне жақында клубта бас бапкер ауысты», — деді Черчесов «СЭ» басылымына.

Осы маусымда Зайнутдинов стамбұлдық клуб сапында үш матч өткізіп, нәтижелі әрекетпен көзге түскен жоқ. Ол «Бешікташқа» 2023 жылдың жазында қосылған.