Магомед Адиев Қазақстан құрамасына оралуы туралы: Ешкім хабарласқан жоқ

Қазақстан құрамасының бұрынғы бас бапкері Магомед Адиев Станислав Черчесов қызметінен кеткен жағдайда өз оралу ықтималдығына қатысты пікір білдірді, деп хабарлайды Sport+.

«Маған ешкім хабарласқан жоқ. Қазір федерацияда жаңа басшылық, олардың қазіргі міндеттері – ұйымдық мәселелер. Сонымен қатар, құраманың бас бапкері және оның қолданыстағы келісімшарты бар. Мұндай жағдайда басқа мамандармен келіссөз жүргізу дұрыс болмас еді. Бүгінгі күнге дейін маған ешқандай ұсыныс түскен жоқ», – деді Адиев.