Король кубогын кім жеңеді? «Барселона» — «Реал Мадрид» Испания кубогының финалының тікелей эфирі

26 мен 27 сәуірге қараған түні Севильяда «Барселона» мен мадридтік «Реал» командалары арасында футболдан Испания Кубогының финалдық матчы өтеді, деп хабарлайды Sport+.

Мадридтік командада аздаған қиындықтар бар. «Реал» Ла Лига турнирлік кестесінде каталондықтардан артта қалып отыр, сондай-ақ Чемпиондар лигасында «Арсеналдан» жеңіліп, жарыстан шығып қалды. Алдағы финал Анчелоттидің командасы үшін осы маусымдағы жалғыз трофейді жеңіп алуға мүмкіндік болуы мүмкін.

Фликтің командасына келсек, олар барлық турнирлерде жеңіске жету үшін күрес жүргізіп жатыр және тарихында үшінші рет «требл» жеңіп алу мүмкіндігі бар, бұл каталондықтарға қосымша мотивация береді.

Биылғы маусымда бұл екі команда екі рет кездескен. Чемпионаттың бірінші айналымында «Барселона» «Реалды» 4:0 есебімен ойсырата жеңді, ал Испания Суперкубогының финалында каталондықтар тағы да басым түсті — 5:2.

«Барселона» — «Реал Мадрид» матчының тікелей көрсетілімін Sport+ телеарнасынан және sportplustv.kz сайтынан Астана уақыты бойынша 01:00–де тамашалауға болады. 00:00-де Sport+ телеарнасында арнайы студия басталады.