Фиджитал биі бойынша жарыс Sport+ арнасында тікелей эфирде. Болашақ ойындарының тікелей эфирі

6 тамыз күні Болашақ ойындары аясында фиджитал биі бойынша жарыстар басталады.

Фиджитал биі — цифрлық және физикалық белсенділікті біріктіретін, бейнеойын негізіндегі жарыстық хореография форматы. Қатысушылар экрандағы би қимылдарын мүмкіндігінше дәл қайталауға тырысады, ал ойын ішіндегі алгоритмдер олардың дәлдігін, орындау мәнерін және ырғақ сезімін бағалайды.

Жарысқа 16 спортшы қатысады. Олар Double Elimination жүйесі бойынша, яғни екі рет жеңілгеннен кейін ғана жарыстан шығады. Бәсекелер 1/8 финал кезеңінен басталады. Әр матч best-of-three форматында, яғни екі жеңіске дейін өтеді.

Әр матч алдында спортшыларға ресми тректер пулынан кездейсоқ таңдалған бес әннің тізімі ұсынылады. Тиын лақтыру арқылы қай спортшының тректерді таңдау рәсімін бірінші бастайтыны анықталады. Қатысушылар кезекпен бір тректен алып тастап, кейін қалған үш тректі және олардың орындалу ретін кезекпен таңдайды.

Жарыстың басталу уақыты — 9:00.

Тікелей трансляцияны Sport+ телеарнасынан және sportplustv.kz сайтынан көруге болады.