Елена Рыбакина Мадридтегі WTA 1000 турнирінде Олимпиада чемпионын жеңді

Қазақстанның бірінші ракеткасы Елена Рыбакина Мадридте өтіп жатқан WTA 1000 санатындағы топырақтағы турнирде чемпиондық атақ үшін күресін жалғастыруда, деп хабарлайды Sport+.

Үшінші айналым матчында ол қазіргі Олимпиада чемпионы Чжэн Циньвэньді (WTA рейтингінде № 32) жеңді.

Кездесу 2 сағат 21 минутқа созылды. Алғашқы сетте бастаманы қытайлық теннисші өз қолына алып, брейк-пойнтты сәтті пайдаланып, матчтың басын өз пайдасына шешті. Алайда кейінгі сеттерде Рыбакина ойынын тұрақтандырып, алғашқы доп берудегі дәлдігін арттырып, қателіктер санын азайтты. Еленаның есебінде 7 эйс бар.

Қорытынды есеп — 4:6, 6:4, 6:3.

Мадридтегі «мыңдық» турнирінің ширек финалына шығу үшін әлемнің екінші ракеткасы Анастасия Потапова (Австрия, WTA № 56) мен Елена Остапенко (Латвия, WTA № 40) жұбының жеңімпазымен кездеседі.