Чемпион мен үміткер: «Спортинг» пен «Порту» маусымның алғашқы дербиінде кездеседі

Португалияның қазіргі чемпионы «Спортинг» маусымды үш жеңіспен бастап, жалпы есепте 12:1 нәтижесін көрсетті. Англияға ауысқан Виктор Дьекерештің орнын шабуылдаушылар тізімінде Гонсалвеш пен Тринкан басты — олар алғашқы үш матчта үш голдан соқты.

Алайда «Каса Пия», «Арока» мен «Насиональға» деген құрметпен қарасақ та, дәл осы төртінші турдағы «Порту» «арыстандар» үшін нағыз сынақ болмақ.

«Порту» да маусымды үш жеңіспен бастады және осы уақытқа дейін бірде-бір гол жібермей, 9:0 айырмасымен көш бастап келеді.

Өткен жылы «Спортинг» өз алаңында «Порту» командасын 2:0 есебімен жеңіп, кейін Кубок жартылай финалында 1:0 нәтижесімен Лиссабонда тағы да басым түскен.

«Арыстандар» мен «айдаһарлардың» жаңа кездесуі 30-нан 31 тамызға қараған түні өтеді. Матчтың басталуы — 00:30.

Тікелей эфирді Sport+ телеарнасынан, сондай-ақ sportplustv.kz сайтынан көре аласыздар.