«Барыс» қатарынан үшінші матчта жеңіліс тапты

«Барыс» қазан айындағы сырт алаңдағы матчтар сериясын Челябінде аяқтады, деп хабарлайды Sport+ елордалық клубтың баспасөз қызметіне сілтеме жасап.

Астаналық команданың бапкерлер штабы төрт шабуыл сызығымен ойнайтын әдеттегі тактикасына қайта оралды. Ал Тамирлан Гайтамировтың орнына ойынға Вячеслав Колесников шықты.

Бастапқы кезең қонақтар үшін сәтсіз өтті — Джошуа Ливо кездесудің небәрі 17-секундында Андрей Шутов қорғаған қақпаны дәл көздеді. Үзіліске дейін «Трактор» Александр Рыков пен Джордан Гросстың (екі ойыншы артық кезде) шайбаларының арқасында сенімді басымдыққа ие болды. Екінші кезеңнің басында аз құрамда ойнаған Василий Глотов есепті ұлғайтып, қонақтар бапкерлерін қақпаға Адам Шиланы шығаруға мәжбүр етті.

«Барыстың» алғашқы голын 27-минутта Майкл Веккьоне көпшілікті сәтті пайдаланып соқты. Ал екінші шайбаны Джейк Масси енгізді.

Дегенмен астаналықтар толықтай ойынды өз пайдасына бұра алмады — «Трактор» тағы екі рет көзге түсіп, соңғы шайбаны Тайс Томпсон соқты.

Кездесу нәтижесі — «Трактор» жеңісі.

3 қараша күні Михаил Кравецтің шәкірттері өз айдынында «Нефтехимикпен» кездеседі.