«Алверка» – «Бенфика»: тәжірибе мен жігер текетіресі

31 тамыз күні Португалия чемпионатының 4-турында «Алверка» мен «Бенфика» кездеседі.

Элиталық лигаға қайта оралған «Алверка» деңгей айырмашылығын бірден сезінді: «Морейренсе» мен «Брагадан» жеңілген соң, команда «Эштреламен» өткен тартысты матчта 2:2 есебімен тең түсіп, мінез көрсетіп, соңына дейін күресе алатынын дәлелдеді. Куштодиу баптайтын команда тәртіп пен ықшам ойынға сенім артса да, қорғаныстағы қателіктер әлі де үлкен мәселе болып тұр.

Ал «Бенфика» маусымды сенімді бастады – «Эштрела» мен «Тонделадан» жеңіс, сондай-ақ Чемпиондар лигасында «Фенербахчені» ұтып, құрамы мен ойынының мықтылығын көрсетті.

Қарсыласу тарихында да басымдық «құстар» жағында – 12 матчтың 8-інде жеңіске жеткен. Сондықтан алдағы кездесуде олар айқын фаворит саналады.

Бұл ойынды тікелей эфирде sportplustv.kz сайтынан көруге болады. Кездесу сағат 22:00-де басталады.