Оралда жаңа «Жайық» футбол клубы құрылды
Батыс Қазақстан облысының дене шынықтыру және спорт басқармасы өңірде «Жайық» футбол клубы құрылғанын мәлімдеді. Жаңа клуб «Ақжайық» футбол клубының ойыншылары мен бапкерлік штабы алдындағы қарыздарын өтеу міндеттемесін өз мойнына алады, деп хабарлайды Sport+ Mgorod.kz сайтына сілтеме жасап.
2024 жылы «Ақжайық» клубы борышкерлер тізіміне енгізіліп, мемлекеттік сатып алуларға қатысу құқығынан айырылған еді. Осы себепті клубтың 36 қызметкері қаңтар-қазан айлары үшін жалақыларын ала алмады, ал жалпы қарыз сомасы 65 миллион теңгеден асты.
Облыс әкімдігі жаңа «Жайық» клубын құру туралы шешім қабылдады. Жаңа клуб қарыздарды өтеп, өңірде футболды дамытуға, соның ішінде балалар спортын қолдауға бағытталған. 2025 жылы «Жайық» екінші лигада өнер көрсетуді жоспарласа, жастар құрамасы QJ League-ге қатыспақ.
Алайда, «Ақжайық» клубының президенті Гүлдария Қауиева бұл шешіммен келіспейді және оны қайта қарауға ниетті. Ол «Ақжайықтың» сақталуы үшін күресіп, клубтың құқықтық мұрагерлігін қамтамасыз ету мақсатында жаңа жауапкершілігі шектеулі серіктестік (ЖШС) құру мүмкіндігін қарастыруда. Сонымен қатар, клуб УЕФА-ға шағым дайындап жатыр.
