Кубок иегері атақты қорғайды. «Байер» — «Кельн» матчының тікелей эфирі

Германия кубогының қазіргі иегері «Байер» ширек финалда екінші Бундеслиганың өкілі «Кёльнмен» кездеседі.

Леверкузендік команда қазіргі уақытта Бундеслигада «Бавариямен» бірінші орын үшін қызу күрес жүргізіп жатыр, бірақ Хаби Алонсоның шәкірттері Кубоктың ширек финалынан да сүрінбей өтуді қалайды.

Қысқы трансферлік кезеңде «Байер» аргентиналық Эмилиано Буэндияны («Астон Вилла») және испандық Марио Эрмосоны («Рома») қатарына қосты. Екеуі де Бундеслигада команда сапында дебют жасап үлгерді, енді өздерін Кубокта да көрсететін мүмкіндік бар.

Қазір «Байер» Бундеслигада жеңіліссіз ұзақ сериясын жалғастырып келеді, соңғы рет 2-турда «Лейпцигке» (3:2) есе жіберген. Осыдан кейін Алонсоның командасы тек Чемпиондар Лигасында «Ливерпуль» мен «Атлетикоға» ғана жеңілді.

Ал «Кёльн» 20 турдан кейін Екінші Бундеслига турнирлік кестесінің көшін бастап тұр, олар Германия футболының элитасына қайта оралуды көздейді.

Команданың көшбасшысы — Германия жастар құрамасының бұрынғы ойыншысы Тим Лемперле, ол 8 гол соқты. Алайда 23 жастағы шабуылшы соңғы бірнеше ойынды жарақатына байланысты өткізіп алды.

Германия кубогы аясындағы матч 5-ші ақпаннан 6-шы ақпанға қараған түні 00:45–те өтеді. Ойынды тікелей эфирде sportplustv.kz сайтынан көруге болады.