Финалға дайындық. «Трабзонспор» мен «Галатасарай» LIVE

«Трабзонспор» мен «Галатасарай» футболшылары 4 күннің ішінде өзара екі матч өткізеді – 10 мамырда Суперлига аясында, ал 14 мамырда Түркия Кубогының финалында кездеседі.

Фатих Текке командасы назарын Кубокқа аударады, өйткені «Трабзонспордың» Суперлигада Еурокубоктарға шығу мүмкіндігі азайған. Ал финалдағы жеңіс келесі маусымда Еуропа Лигасына жолдама әкеледі.

Ал «Галатасарай» өз міндеттерін орындауға жақын – Түркия чемпиондығы сарапқа салынып жатыр. «Фенербахчеден» 5 ұпайға алда тұрғандықтан, Окан Бурук бұл екі матчта құрамды өте сақтықпен қолданатыны анық.

Чемпионат аясындағы ойын сондай-ақ қазіргі таңда Суперлиганың үздік сұрмергендерінің дуэлі болмақ – Виктор Осимхен (24 гол) және Симон Банза (19 гол).

Маусымдағы алғашқы кездесу аса нәтижелі өткен – «Галатасарай» 4:3 есебімен жеңіске жеткен болатын.

Жаңа кездесу 10 мамыр күні сағат 21:00-де басталады. Матчты тікелей эфирде sportplustv.kz сайтынан көруге болады.