Бұл жолы «Айнтрахт» қанша гол жібереді? «Айнтрахт» — «Боруссия Дортмунд» матчының тікелей эфирі

Германия кубогының 1/16 финалындағы матчта франкфурттік «Айнтрахт» өз алаңында дортмундтық «Боруссияны» қабылдайды, деп хабарлайды Sport+.

«Айнтрахт» ақыры сәтсіздіктер сериясын тоқтатып, «Санкт-Паулиді» (2:0) жеңіп, көп уақыттан кейін алғаш рет қақпасына гол жібермей ойнады. Алайда тұрақтылық әлі де жетіспейді — Дино Топмеллердің командасы соңғы сегіз турда 18 гол жіберіп алған, бұл қорғаныстың сенімділігіне күмән тудырады.

Ал «Боруссия» керісінше, әлдеқайда сенімді көрінеді: Нико Ковачтың жетекшілігімен дортмундтықтар тұрақты түрде ұпай жинап, «Кельнді» (1:0) жеңді және турнир кестесінде төртінші орында тұр. 11 ресми матчтың ішінде небәрі бір рет жеңілуі — «аралардың» шабуыл мен тәртіп арасындағы тепе-теңдікті тапқанын дәлелдейді. Алдағы кездесу «Айнтрахт» үшін сынақ болмақ — ұйымдасқан әрі прагматикалық «Боруссияға» қарсы тұруға шабуылдық әлеуеті жете ме деген сұрақ тұр.

Бұл екі команданың кездесуі Sport+ Qazaqstan телеарнасында және sportplustv.kz сайтында тікелей эфирде көрсетіледі. Матч сағат 22:30 басталады.