Батысқа апарар жол. «Ақтөбе» – «Астана» матчының тікелей эфирі

«Астана» биылғы маусымда өз алаңында сәтті өнер көрсетіп келеді — команда тек бір матчта ғана ұпай жоғалтты. Ол «Ордабасымен» болған тең ойын еді.

Алайда Григорий Бабаянның шәкірттері 2026 жылғы маусымда сырт алаңда әлі бірде-бір жеңіске жете алған жоқ.

Ал «Ақтөбе» де өз жанкүйерлерінің алдында сенімді ойын көрсетуде. Егер Қазақстан кубогындағы «Алтайдан» жеңілісті есепке алмасақ, «қызыл-ақтар» өз алаңында тек «Елімайға» ғана есе жіберді. Оның өзінде бұл кездесу Түркістан қаласында өткен болатын.

Қазіргі уақытта Қазақстанда трансферлік терезе ашық. Осы мүмкіндікті пайдаланған астаналық клуб «Жеңістің» бұрынғы жартылай қорғаушысы Александр Меркельмен келісімшарт жасасты.

Ал «Ақтөбе» қазақстандық футбол жанкүйерлеріне жақсы таныс Георги Зарияны және Солтүстік Македония құрамасының ойыншысы Яни Атанасовты өз қатарына қосты.

Матч сағат 20:00–де басталады. Тікелей трансляция Sport+ телеарнасында, сондай-ақ sportplustv.kz сайтында көрсетіледі.