Азат Максұм Жұмағұловтың бұрынғы қарсыласымен жекпе-жекке шығады

Қазақстандық ММА жауынгері Азат Максұм Rizin мен Bellator ұйымдарының бұрынғы чемпионы Киоджи Хоригучиді алмастырып, Тагир Уланбековке қарсы жекпе-жекке шығады, деп хабарлайды Sport+ «ММА Вестнигіне» сілтеме жасап. 

Жекпе-жек 21 маусымда Бакуде өтеді.

Максұм UFC-де екі жекпе-жек өткізді — екеуі де шешіммен аяқталды: ол Тайсон Нэмге қарсы дебютінде жеңіске жетіп, кейін Чарльз Джонсонға есе жіберді.

UFC рейтингінде Уланбеков оныншы орында тұр. Хабиб Нурмагомедов командасының мүшесі саналатын дағыстандық файтердің қазақстандық спортшымен бұған дейін де жекпе-жегі болған — 2018 жылы Астанада өткен Fight Nights Global турнирінде ол Жалғас Жұмағұловпен чемпиондық кездесуде шешіммен жеңілген.