Жартылай финал жолындағы шайқастар: Ломакин, Құламамбаева, Сағандықова және Арыстанбекова кортта өнер көрсетеді. Қазақстан чемпионатының матчтары LIVE

Қазақстанның жазғы чемпионаты қарқын алып келеді — турнирде ширек финал кезеңі басталды, ал жеңімпаздар үздік төрттікке өтеді.

Sport+ телеарнасы орталық кортта өтетін матчтарды көрсетуді жалғастыруда, яғни барлық ықтимал көшбасшылардың кездесулері тікелей эфирде ұсынылады.

Ерлер арасындағы бірінші ракетка Григорий Ломакин кортқа сағат 10:00–де шығады. Оның қарсыласы — Артем Сидоров.

Дәл артынан қыздар арасындағы бірінші ракетка — Жібек Құламбаева ойнайды. Оның қарсыласы — Анастасия Крымкова.

Түске қарай эфирге қазақстандық теннистің басты үміттерінің бірі, АТР рейтингінде алғашқы 1000 ойыншының қатарына кіретін Әмір Омарханов шығады. Ол Тимур Сауленкомен кездеседі.

Одан кейін кортта ракеткаларын екі талантты қыз — Аружан Сағандықова мен Асылжан Арыстанбекова түйістірмек. Екеуінің де активінде ITF турнирлеріндегі жеңістері бар.

Күннің бағдарламасын Тимур Сүлейменовтің дауысы сүйемелдейтін жұптық кездесулер аяқтайды: Ломакин/Қалдыбеков — Сайлау/Амангелді және Крымкова/Шухратова — Рүстемова/Құламбаева.

Барлық матчтарды тікелей эфирде Sport+ телеарнасынан, сондай-ақ sportplustv.kz сайтынан көруге болады.