Зарина Дияс WTA рейтингінде 28 сатыға көтерілді

WTA жаңартылған рейтингтерін жариялады. Жаңартудан кейін Елена Рыбакина 11-орында қалды, ал Юлия Путинцева бір саты жоғарылап, позициясын жақсартты, деп хабарлайды Sport+.

Ең үлкен прогреске Зарина Дияс қол жеткізді — ол 246-орынға көтеріліп, бірден 28 сатыға жоғарылады.

Сонымен қатар, Уимблдон басталар алдында Анна Данилина жұптық рейтингтегі орнын жақсартты. Ол қазіргі таңда 8-орынды иеленуде — бұл Аннаның мансабындағы ең жоғары көрсеткіш.