Таеквондошы Самирхон Абабакиров Универсиадада екінші медалін жеңіп алды

Таеквондодан Қазақстан құрамасы Германияда өтіп жатқан 2025 жылғы Универсиадада өнер көрсетуін аяқтады, деп хабарлайды Sport+ Olympic.kz сайтына сілтеме жасап.

Соңғы күні ұлттық құрама екі жүлдеге ие болды.

Әйелдер құрамасы жарыстың командалық бөлімінде үшінші орынға ие болды. Ел қоржынына медаль салған спортшылар: Мария Севостьянова, Айша Әділбекқызы және Нұрай Хусвинова.

Сондай-ақ Қазақстан аралас командалар арасында да үшінші орынды еншіледі. Жүлдегерлер қатарында: Самирхон Абабакиров, Қаблан Бейбарыс, Назым Махмұтова және Айдана Сүндетбай.

Айта кетейік, бұған дейін Абабакиров жекелей сында алтын медаль жеңіп алған болатын.

Таеквондошылар Универсиаданы 1 алтын және 7 қола медальмен аяқтады.