Sport+ телеарнасы мен Қазақстан күрес федерациясы ақпараттық ынтымақтастық туралы келісім жасасты
Күрес — бұл жай ғана спорт емес, қазақ халқының мәдени мұрасының ажырамас бөлігі. Ежелден бері ол күш-қайрат пен ерік-жігерді шыңдап, нағыз батырлық рухты қалыптастырып келеді. Қазақша күрес сияқты ұлттық күрес түрлері еліміздің тарихында ерекше орын алады. Бүгінде бұл спорт қарқынды дамып, қазақстандық балуандардың халықаралық аренадағы жетістіктері еліміздің күрес мектебінің жоғары деңгейін көрсетуде.
Әсіресе, Ризабек Айтмұхан мен Демеу Жадыраев өз жетістіктерімен ерекшеленіп, жастарды шабыттандырып, күрес спортына деген қызығушылығын арттыруда.
Осы келісім аясында Sport+ телеарнасы барлық республикалық күрес турнирлерін тікелей эфирде көрсетіп, көрермендерге тек тартысты белдесулерді ғана емес, эксклюзивті репортаждар, сұхбаттар мен еліміздегі күрестің дамуына арналған студиялық бағдарламаларды да ұсынатын болады.
Телеарна мен федерация арасындағы бұл ынтымақтастық күресті кеңінен насихаттап, жаңа жанкүйерлер тартуға және қазақстандық спортшылардың әлемдік аренада дамуына қосымша мүмкіндіктер жасауға септігін тигізеді.
