Құлдырып жатқан «Порту» және дағдарыстан шыққан «Спортинг». «Порту» – «Спортинг» матчының тікелей эфирі

Португалия Примейрасының 21-турын бірден орталық кездесу – «Порту» мен «Спортинг» матчы ашады. Бұл ойын тек турдың ғана емес, бүкіл чемпионаттың көркін келтіруі мүмкін.  

Қазіргі таңда командалар турнир кестесінде 1-ші және 3-орындарда тұр, ал көшбасшылық лиссабондықтарда. Аморим кеткеннен кейін «арыстандар» ұзаққа созылған дағдарысқа тап болды, бірақ қазір ол кезеңнен өтті. Соңғы 6 ойында жеңіліс көрмеген «Спортинг» турнирлік кестедегі көшбасшылық позициясын қайта қалпына келтірді.  

Команда үшін басты мәселе – чемпионаттың үздік сұрмергені Виктор Дьекерештің жарақаты. Оның «Портуға» қарсы ойнауы әлі белгісіз. Сонымен қатар, «ақ-жасылдар» шабуылшы Габриэль Тейшейраны қатарға қосты.  

Ал «Порту» керісінше, дағдарыстың жаңа кезеңіне енді. Жаңа бапкер команданы бұл жағдайдан алып шыға ала ма, әлі белгісіз. Соңғы турда «Риу Авимен» тең ойыннан кейін «айдаһарлар» көшбасшыдан 8 ұпайға қалып қойды. Сонымен қатар, «Порту» трансферлік кезеңде белсенділік танытқан жоқ: команда көшбасшылары Нико Гонсалес «Манчестерге», ал Галено Қиыр Шығысқа бет алды. Олардың орнына клуб Еуропада тәжірибесі жоқ жас футболшыларды алды.  

Осы маусымда өткен екі кездесуде «Спортинг» қарсыласын 2:0 және 1:0 есебімен жеңді.  

«Порту» мен «Спортинг» арасындағы жаңа ойын 7-нен 8 ақпанға қараған түні, Астана уақытымен 01:15-те өтеді. Тікелей эфирде матчты Sport+ телеарнасынан және sportplustv.kz сайтынан көруге болады.