Қазақстан U-16 құрамасы УЕФА Даму турнирінде Әзербайжан U-16 құрамасымен кездесті

Қазақстан U-16 құрамасы УЕФА Даму турнирінің екінші ойынын Әзербайжан U-16 құрамасына қарсы өткізді, деп хабарлайды Sport+ ҚФФ ресми сайтына сілтеме жасап.

Ойынның 18-минутында Әзербайжан U-16 құрамасының ойыншысы Руслан Гулиев Қазақстан U-16 құрамасының қақпасына гол соғып, өз командасын алға шығарды. Екінші таймда орын алған ойыншы алмастырулар Қазақстан құрамасының ойынына серпін берді. 74-минутта қосалқы құрамнан алаңға шыққан Әмірхан Маратов Давид Заречныйдың пасынан кейін есепті теңестірді.

Негізгі уақыт 1:1 есебімен аяқталды. Пенальти сериясында Қазақстан U-16 құрамасы 4:2 есебімен Әзербайжан U-16 құрамасына жол берді.

Әзербайжан U-16 — Қазақстан U-16 — 1:1 (пенальти 4:2)

Голдар: Руслан Гулиев 18 — Әмірхан Маратов 74