«Қайраттың» екі футболшысы «Атырауға» ауысты
Алматылық «Қайрат» қорғаушы Егор Ткаченко мен шабуылшы Ян Труфановтың «Атырау» клубына ауысқанын жариялады, деп хабарлайды Sport+ алматылық клубтың баспасөз қызметіне сілтеме жасап.
Егор негізгі құрамдағы дебютін 2022 жылдың сәуір айында Премьер-лигада «Тұранға» қарсы ойында өткізді. «Сары-қаралар» сапында қорғаушы 39 матчқа қатысып, бір нәтижелі пас берді.
Ян негізгі құрамда алғаш рет 2022 жылдың шілдесінде ойнады. «Қайраттың» басты командасы үшін форвард 22 матч өткізіп, 4 гол соқты.
