Клуб пен футболшы арасындағы еңбек дауын шешу тәртібі қандай?
Қазақстан футболшылар кәсіподағы футболшылардың өзікті сұрақтарының біріне жауап берді, деп хабарлайды Sport+.
Әдетте, футболшы мен клуб арасындағы жеке еңбек дауын шешуге жүгіну тәртібі келісімшартта белгіленеді.
Дегенмен, жалпыға бірдей белгіленген тәжірибеге сәйкес, қазақстандық футболшыларға қатысты еңбек қатынастары саласында өз құқықтары мен заңды мүдделерін қорғау бойынша бірқатар құралдар бар, атап айтқанда:
— жұмыс берушіні тексеру және тиісті төлемдер бойынша бұзушылықтарды анықтау мақсатында мемлекеттік еңбек инспекциясына жүгіну;
— Қазақстан Республикасының Еңбек кодексіне сәйкес келісу комиссиясына және сот органдарына жүгіну;
— Қазақстан Футбол Федерациясының заң органдарына, атап айтқанда Дауларды шешу жөніндегі палатаға және оның шешімімен келіспеген жағдайда апелляциялық сатыға жүгіну.
Сонымен бірге, сот органдарына талап-арызбен жүгінген кезде жалпы юрисдикция соты келісімшартта белгіленген дауды шешудің сотқа дейінгі тәртібін белгілейтін жағдайлар бар екенін атап өткен жөн, яғни бұл Келісім комиссиясы да, Қазақстан футбол федерациясының дауларды шешу палатасы да болуы мүмкін.
Футболшы жалпы инстанцияның сот органдарына жүгінуге бел буған кезде, футболшылар кәсіподағы сот алды реттеу бойынша тиісті рәсімнен өтуді ұсынады.
Посмотреть эту публикацию в Instagram
