Билли Джин Кинг кубогы: Қазақстанмен матчта АҚШ алға шықты

Қытайдың Шэньчжэнь қаласында теннистен Билли Джин Кинг кубогының ширек финалында Қазақстан — АҚШ матчы өтіп жатыр.

Кортқа алғашқы болып рейтингіде 61-орындағы Юлия Путинцева мен әлемнің 18-ракеткасы Эмма Наварро шықты.

Бірінші партияда Наварро 7:5 есебімен басым түсті. Екіншісінде Путинцева есе қайырды — 6:2. Үшінші, шешуші сетте қазақстандық теннисші тай-брейкте қос бірдей матчболды пайдалана алмады — 6:7 (6:8). Тартысты бәсеке 2 сағат 30 минутқа созылды. Осылайша, АҚШ құрамасы 1:0 есебімен алға шықты. Келесі болып кортқа Елена Рыбакина мен Джессика Пегула шығады.

Beeline Janymda. Матчтарды көріп, алған әсеріңізді кез келген жерде бөлісіңіз!