Александр Шевченко Қазақстан құрамасын Дэвис кубогында алға шығарды

Оңтүстік Кореяның Чхунчхон қаласында Қазақстан мен Оңтүстік Корея ұлттық құрамалары арасында Дэвис кубогының I Әлемдік тобы плей-офф кезеңінің матчтары басталды, деп хабарлайды Sport+ Қазақстан теннис федерациясына сілтеме жасап. 

Бұған дейін екі құрама екі рет кездескен: 2007 жылы корейлер 5:0 есебімен жеңіске жетсе, 2010 жылы Астанада қазақстандықтар айқын реванш алып, дәл сондай есеппен — 5:0 жеңіске жетті.

Ойын күнін Александр Шевченко мен әлемнің бұрынғы 19-ракеткасы, Австралия ашық чемпионатының (2018) жартылай финалына шыққан Корея Республикасының тарихындағы алғашқы теннисші Чон Хён арасындағы матч ашты. Бір жарым сағат ішінде Шевченко 6:4, 6:3 есебімен жеңіске жетті. Бұл — оның Дэвис кубогында Қазақстан құрамасы сапындағы жеке кездесулердегі екінші жеңісі.

Шевченконың жеңісінің арқасында Қазақстан құрамасы қарсыласынан алға шықты. Енді кортқа Қазақстан құрамасының көшбасшысы Александр Бублик шығады. Оның қарсыласы — 2021 жылғы АТР 250 Astana Open турнирінің чемпионы Квон Сун Ву болады.

Beeline Janymda. Матчтарды қай жерде болсаңыз да көріп, эмоцияларыңызбен бөлісіңіз!