Санжар Тәшкенбай әлем чемпионатының медалін қамтамасыз етті (видео)

Қазақстандық боксшы Санжар Тәшкенбай Ливерпульдегі (Ұлыбритания) әлем біріншілігінің ширек финалында жеңіске жетті, деп хабарлайды Sport+ Olympic.kz сайтына сілтеме жасап.

Былғары қолғап шебері 50 келіге дейінгі салмақтың ¼ финалында Сингх Мандегбаммен (Үндістан) өзара мықтыны анықтады.

Санжар Тәшкенбай бірінші үшминуттықта тізгінде қолына алды. Жекпе-жектің соңына дейін басымдығын сақтап қалған жерлесіміз еш қиындықсыз жеңіске жетті.

Осылайша, Санжар Тәшкенбай (50 келіге дейін) әлем чемпионатының финалына шығу үшін бақ сынайды.